လက်သီးကြီးနဲ့ လာထိုးတာမို့လို့
“သူက ကျွန်တော့်ကို လက်သီးကြီးနဲ့ လာထိုးလို့ ကျွန်တော်က ဓားကလေးနဲ့ ပြန်ထိုးတာကို ကျွန်တော်က ထောင်ကျရတယ်” ဆိုပြီး လှတောရွာဘက်ရောက်စဉ်တုန်းက ရယ်စရာအဖြစ် ပြောတာကို ကြားခဲ့ဖူးတယ်။ တကယ်ရော လက်သီးအကြီးကြီးနဲ့ လာထိုးတာကို ဓားကလေးနဲ့ ခုခံပိုင်ခွင့် ရှိရဲ့သလား။ ဥပဒေအရတော့
ကာကွယ်ခုခံပိုင်ခွင့်အရ ပြုသောပြုလုပ်မှုသည် ပြစ်မှုမမြောက်ဟုဆိုသော်လည်း လက်သီးဖြင့်ထိုးသူကို ထင်းချောင်းဖြင့်ပြန်ရိုက်ခြင်းသည် ကာကွယ်ခုခံပိုင်ခွင့်ကို လိုအပ်သည်ထက် ပိုမိုပြုလုပ်ခြင်းဖြစ်သည်။ သည့်အပြင် တစ်ဖက်နှင့်တစ်ဖက် အပြန်အလှန် ခိုက်ရန်ဖြစ်ပွားရာတွင် ကာကွယ်ခုခံပိုင်ခွင့် မရှိပါ။
