နိုင်ငံရပ်ခြားမှ ကိုယ်စားလှယ်လွှဲစာပြုလုပ်ခြင်း

မိမိအနေဖြင့် တိုင်းတစ်ပါးမှာ ရောက်နေသည့်အခါ မိမိ၏ကိစ္စတွေကို အခြားသောသူက မိမိ၏ကိုယ်စား ဆောင်ရွက်ပေးရန်အတွက် နိုင်ငံခြားမှနေ၍ ကိုယ်စားလှယ်လွှဲစာ ပြုလုပ်လိုလျှင် အောက်ပါအတိုင်း ပြုလုပ်ရမည်။

နိုင်ငံခြားတိုင်းပြည်တွင် ကိုယ်စားလှယ်လွှဲစာကို ဖြစ်စေ၊ အခြားစာမှတ်စာတမ်း တစ်စုံတစ်ရာကို ဖြစ်စေ ပြုလုပ်လိုလျှင် သက်ဆိုင်ရာနိုင်ငံရှိ နိုတြီပဗ္ဗလစ်သည် ၎င်းရှေ့တွင် ပြုလုပ်ခြင်းမှန်ကြောင်း လက်မှတ်ရေးထိုးပြီး၊ ယင်းလက်မှတ် ရေးထိုးသူ နိုတြီပဗ္ဗလစ်သည် သက်ဆိုင်ရာနိုင်ငံက ဥပဒေအရ ခန့်ထားသည့် နိုတြီပဗ္ဗလစ် ဖြစ်ကြောင်း၊ အဆိုပါနိုင်ငံ၏ နိုင်ငံခြားရေးဝန်ကြီးဌာန သို့မဟုတ် သံရုံးအရာရှိ သို့မဟုတ် ကောင်စစ်ဝန်က ထပ်ဆင့်လက်မှတ် ရေးထိုးအတည်ပြုရန် လိုအပ်သည်။