“ရေအဆုံး၊ ကုန်းတစ်ဝက်” လား

မြန်မာပြည်မှာ လူအများ ပြောလေ့ရှိတဲ့ စကားတွေထဲမှာ “ရေအဆုံး၊ ကုန်းတစ်ဝက်” ဆိုတဲ့ စကားလည်းပါတယ်။ ဒီစကားအရဆိုရင် ရေထဲမှာ ပစ္စည်းတစ်ခုခု တွေ့လို့ရှိရင် တွေ့တဲ့ပစ္စည်းက တွေ့တဲ့သူ အပိုင်ဖြစ်ပြီး၊ ကုန်းပေါ်မှာ ပစ္စည်း ကောက်ရလို့ရှိရင် ကောက်ရသူနဲ့ မူလပစ္စည်းပိုင်ရှင်တို့ တစ်ယောက်တစ်ဝက် ပိုင်ဆိုင်ကြတယ်လို့ အဓိပ္ပာယ် ရတယ်။ တကယ်ရော ဒီလိုဟုတ်ရဲ့လား။

ဥပဒေအရကတော့ ကောက်ရသောပစ္စည်း၏ ပိုင်ရှင်ဖြစ်ကြောင်းသိလျက်နဲ့ ပြန်ပေးရန် ငြင်းဆန်ရင် မရိုးမဖြောင့်သော သဘောဖြင့် မိမိ၏ပစ္စည်းအဖြစ် ပြောင်းလွဲခြင်းဖြစ်လို့ ပြစ်မှုဆိုင်ရာဥပဒေပုဒ်မ ၄၀၃ ကို ကျူးလွန်ရာ ရောက်တယ်လို့ ပြဌာန်းထားတယ်။